ශ්රී ලංකා පොලිස් සේවය ශ්රී ලංකාවේ වඩාත් දුෂිතම ආයතනය ලෙස හිටපු ජනාධිපතිනි චන්ද්රිකා බන්ඩාරනායක කුමාරතුංග මැතිනිය වරක් ප්රකාශ කර සිටියද, මහජන මිත්රශීලි වෘත්තිමය අභිමානවත් පොලිස් සේවයක් උදෙසා වචනයේ පරිසමාප්තියෙන්ම ඔවුන් කැපවී සිටින බව අප කවුරුත් දන්නා කරුණකි.
එහෙත් ඇතැම් රටවල පොලිස් නිලධාරීන් මහජනතාවගේ නිතිය පිළිඹඳ නොදැනුවත් භාවය ප්රයෝජනයට ගෙන විවිධ මුල්ය වංචා, අල්ලස් සහ දුෂණ කටයුතු සිදුකරන බව වාර්තාවේ. මහජනතාව ඉදිරියේ සිංහ වෙස්ගෙන රඟදෙන ඔවුන් නීතිඥ සංගම්වල ලාංචන සහිත මෝටර් රථ සහ මාධ්ය ආයතන ලාංචන සහිත මොටර් රථ පාරේ ගමන් කරනවිට ඔවුන් අතින් වරදක් සිදුවුණද නොදැක්කසේ සිටිනබව වාර්තාවේ.
ඔවුන් හවස මදුවිත පානය සඳහා මුදල් සොයාගැනීමට, වැඩ නිමවී ත්රිරෝද රථයේ ගෙදරයාමට, හොර අඹුවට දීමට එළවලු මල්ලක් මිලදීගැනීමට ආදී අවශ්යතා ඇතිවූවිට පාරට පැමිණ තරුණ තරුණියන් ගමන් කරන වාහන නවතා කුමක් හෝ වරදක් සොයාගෙන ඔවුන් බයකර ඔවුන්ගෙන් අල්ලස් ගන්නා බව වාර්තාවේ.
තවද කිසියම් හේතුවක් මත ඉහල පොලිස් ප්රධානියෙකුගෙන් වැදු මවුපියන් සිහිගන්වමින් බැනුම් අසා සිටිනම්, පාරේ හෙල්මටි නොමැතිව හෝ බලපත්ර නොමැතිව යතුරුපැදි ධාවනය කරන තරුණයෙකු අල්ලාගෙන හිතේ තරහ ඉවරවෙනතුරු එම තරුණයට පහර දීමටත්
කම්මැලි කමක් දැනුන විට කණ්ඩායම් වශයෙන් ගොස් වෙරළ සහ උද්යාන වටලා ඒවායේ සිටින තරුණ යුවලවල් බයකර මානසික සුවයක් ලබාගැනීමටත්, විශ්ව විද්යාලසිසුවෙකු යම් වරදකට අසුවූ විට හිතෙහි පවතින ඉර්ෂාව පිරිමසාගැනීමට පහර දීමට හෝ එසේ කල නොහැකි අවස්ථාවන්හිදී 8 පමණක් සමත් උවද මහාචාර්යවරුන්ට වඩා ඔවුන් කරුණු දන්නා බව අඟවමින් මුළු විශ්ව විද්යාල පද්ධතියම හැලුවට ලක්කිරීමට පුරුදුවී සිටින බව වාර්ථාවේ.
මේ කරුණු බොහොමයකට එම රටේ ජනතාවගේ නිතිය පිළිඹඳ නොදැනුවත් බව බලපනා බැවින්, එදිනෙදා ජීවිතයේදී දැනුවත් වියයුතු නීති කරුණු කිහිපයක් මෙලෙස ඉදිරිපත් කරන්නෙමු.
1. ඔබ පාරෙ ගමන් කරන විට, තනි පොලිස් නිලධාරියෙක්ට ඔබව නැවැත්වීමට තහනම්. එසේ නැවැත්වීමට උත්සාහ ගතහොත්, නොනවත්වා යාමට ඔබට හැකිය.
2. තනි පොලිස් නිලධාරියෙකුහට ඔබේ රියදුරු බලපත්රය රඳවා ගැනීමට නොහැකිය.
3. ඔබ වාහනයක ගමන් කරන විටකදී, ඔබේ ජාතික හැඳුනුම් පත හැර වෙනත් ලියකියවිලි ඉල්ලා සිටීමට අයිතිය ඇත්තේ “රථ වාහන පාලක පොලිස් නිලධාරියෙකුට (Traffic Police)” පමණි.
4. තනි රථ වාහන පාලක පොලිස් නිලධාරියෙකුට (Traffic Police) ඔබට දඩ ගැසීමට හෝ චෝදනා කිරීමට නොහැකිය. ඔහුට අනිවාර්යෙන්ම සාක්ෂිකරුවෙකු අවශ්ය වේ. සාක්ෂිකරු පොලිස් නිලධාරියෙකුම විය යුතුයි. (එබැවින් සැමවිටම පාරේ රථ වාහන පාලක පොලිස් නිලධාරින් දෙන්නෙක් එකට සිටියි)
5. පොලිසිය යනු සාමය ආරක්ෂා කිරීමට කැපවුන බලකායකි. ආයුධ සම්පන්න බලකායක් නොවේ. ඔවුන්ට බැටන් පොල්ලක් හැර වෙනත් ආයුදයක් ලඟ තබාගැනීමට නීතියෙන් තහනම් කොට ඇත. (නමුත්, පැවතුන යුධමය තත්වය නිසා, යුද්ධය අවසන් වනතුරු ඔවුන්ට තුවක්කු ලබාදීමට අධිකරණයෙන් නියෝග කර තිබිණි.) එමනිසා පොලිස් නිලධාරියෙක් ඔබට තුවක්කුවක් දිගු කලහොත් ඔහුට විරුද්ධව පැමිණිලි කිරීමට ඔබට අයිතියක් ඇත.
6. පොලිස් නිලධාරියෙකු ඔබට “බීමතින්” රිය පැදවූ බවට චෝදනා කලහොත්, බැලූන් පරීක්ෂාව (Balloon Test) කිරීමට ඉල්ලා සිටිය හැක. ඒ අවස්ථාවේදී ඔවුන් සතුව බැලූන් නොමැති නම්, ඔබට යාමට අවසර ඇත.
7. මහ මග ගමන් ගන්නා වාහනයක් නැවැත්වීමට අවසර ඇත්තේ රථ වාහන පාලක පොලිස් නිලධාරියෙකුට (Traffic Police) පමණයි.. (ඒ බැවින් හමුදා මුරපොල (check point) වල එක පොලිස් නිලධාරියෙක් හෝ සිටිය යුතුය.)
8. පොලිස් නිලධාරියෙකුට ලිඛිත උසාවි නියෝගයක් නොමැතිව ඔබේ නිවසට හෝ රැකියා ස්ථානයට ඇතුළු විය නොහැක. ලිඛිත නියෝගය ඉල්ලා සිටීමට ඔබට සියලු අයිතිය ඇත. ඔවුන් බලෙන් ඇතුලු වීමට සැරසෙයිනම් එයට විරුද්ධ වීමට ඔබට අයිතිය ඇත.
9. ඔබ සිදුකල වැරැද්දේ ස්වභාවයත්, දණ්ඩ නීති සංග්රහය අනුව අදාල නීති උල්ලංගනය කිරීමත් පිලිබඳව කියන තුරු රථ වාහන පාලක පොලිස් නිලධාරියෙකුට (Traffic Police) ට ඔබේ රියදුරු බලපත්රය ලබාගත නොහැකිය. එසේ සඳහන් කිරීමට අපොහොසත් වන්නේ නම් ඔබට යාමට අවසර ඇත.
10.රථ වාහන පාලක පොලිස් නිලධාරියෙකු (Traffic Police) ඔබේ බලපත්රය බලෙන් ලබාගෙන, එය නැවත ලබා ගැනීමට පොලිස් ස්ථානයට එන ලෙස පැවසූ විටක, එලෙස නොගොස් පොලිස් අධිකාරියතුමන්ට හෝ ප්ප්රදේශිකයට අදාල නියෝජ්ය පොලිස්පතිතුමන්ට පැමිණිලි කිරීමට ඔබට අයිතිය පවතී. එවිට අදාල නිලධාරියාව, දුරාචාරය සහ නොහික්මුණු හැසිරීම යන වරද මත පදනම්ව සේවයෙන් පහ කරවීමට වුවද හැකියාව පවතී.
11. කාන්තාවකගෙන්,පොලිස් නිලධාරියෙකු නම, ලිපිනය, හැඳුනුම් පත, දුරකථන අංකය ඉල්ලා සිටී නම් ඒ ඉල්ලීම ඉටු නොකිරීමට අයිතිය ඇත (ඔහු ඔබට හිරිහැර කිරීමේ අරමුණින් සිටින බව ඔබට හැඟේ නම් පමණක්). ඔහුට ඔබව (කාන්තාව) අත් අඩංගුවට ගැනීමට නොහැක. ඔබට පොලිස් නිලධාරිනියකගේ සහය ඉල්ලා සිටීමට අයිතිය ඇත.
12.පොලිස් නිලධාරියෙකු කාන්තාවක් පරීක්ෂා කිරීමට බව පැවසූ විටක, එය පොලිස් නිලධාරිණියක ලවා කරවා ගැනීමට ඔබට (කාන්තාව) අයිතිය ඇත. පොලිස් කාන්තාවක් නොමැති නම්, ඔබට එය ප්රතික්ෂේප කිරීමට අයිතිය ඇත.
13. ඔබට අධික වේගයෙන් වාහනය පැදවීමේ වරදට දඩ ගැසීමට හෝ නඩු දැමීමට සැරසෙයි නම් ඊට ප්රථම වාහනයේ වේගය මනින ලද මීටරයේ වේගය සටහන් වී ඇති අයුරු තමාට පෙන්වන ලෙස ඉල්ලා සිටීමට අයිතිය ඇත. (බොහොමයක් පොලිසිවල පවතින වේග මීටර අක්රිය අතර ඔවුන් හුදෙක් මීටරය දිගුකර අනුමානයෙන් වරදකරුවන් අසුකරගනී)
14. ඔබ කිසියම් කරුණක් මත අත් අඩංගුවට පත්ව සිටිනම් පොලිසියට ප්රකාශ ඉදිරිපත් කිරීමට ප්රථම නීතිඥයෙකුගේ උපදෙස් ලබාගැනීමට ඔබට අයිතියක් පවතී. එනිසා එවැනි අවස්ථාවල ඔබට නීතිඥයෙකු ඉල්ලා සිටීය හැකිය.
ඔබට නීතිමය කරුණක් ගැන තවදුරටත් තොරතුරු ලබාගැනීමට අවශ්ය නම් නීති ආධාර කොමිෂන් සභාව ,අංක 129/5,මහාධිකරණ සංකීර්ණය,අළුත්කඩේ,කොළඔ 12. යන ලිපිනයට ලිවීමෙන් හෝ 0094-11-2433618, 0094-11-5335329, 0094-11-5335281, 0094-011-2395894 යන අංක වලට ඇමතීමෙන් තොරතුරු ලබාගත හැකිය.
Posted in Uncategorized | Leave a Comment »
මගේ මොබිටෙල් දුරකථනයේ මුද්රිත බිල් පිටපත මා විසන්ධි කර දැනට සෑහෙන කාලයක් වෙයි. එය කුමක් නිසා කලාද යන්න පිළිබඳව පැහැදිලි මතකයක් නොමැත. සමහරවිට ඒ සඳහා මගෙන් අය කල මුදල නැවැත්වීම විය හැකිය. ඉන් පසු මා කරන්නේ මගේ බිල රු. 2000 ක ආසන්නයට පැමිණි විට එය ගෙවා දැමීම පමණකි. සියළු බිල්පත් තොරතුරු සවිස්තරව විද්යුත් මේලයක් මගින් මා හට ලැබුනත් එය ද වැඩි උනන්දුවකින් බලන්නේ නැත්තේ එයට කැප කිරීමට සෑහෙන කාලයක් අවශ්ය නිසාය. ඊයේ පෙරේදා දවසක මට මාගේ මොබිටෙල් දුරකථනයේ මුද්රිත පිටපතක අවශ්යතාවයක් පැන නැගුනේ මගේ පුතාගේ පාසලට ඇතුළු වීමේ අයදුම් පත්රයේ පදිංචිය තහවුරු කිරීම සඳහා ලිඛිත සහතික ඉිදිරිපත් කළ යුතු බැවිනි.
එක්තරා මාසයක බිලේ මුද්රිත පිටතපක් ප්රින්ටරයෙන් ලබා ගතිමි. එය දුටු විට ඇත්තටම මගේ ඉහ මොල රත් වී ගියේය. අපේ භාෂාවෙන් කියනවා නම් තනි ඇහැට ඇඬුනි. බිල 2925.60 කි. එහි අභ්යන්තරයේ හොඳට ඇහැට පෙනෙන්නම රු. 937.87 ක බදු මුදලකි. මගේ ඒ මාසයේ දුරකථනයෙන් කථා කලාට වෙනම 13% ක වැට් ය. එය රු. 246.41 කි. ඒ අනුව මා මගේ දුරකථනයට නිකන් බදු වශයෙන් ගෙවා ඇති මුළු මුදල රු. 1184.28 කි. ඇත්තටම මගේ දුරකථන බිල රු. 1741.31 කි. බදු බදු බදු බදු……………. කථා කරන විට 13% ක වැට් බද්ද, ගණන් හදාගෙන යන අතර මගදී 2% ක සෙස් බද්ද, අවසානයේ 20% ක විදුලි සංද්ශ බද්ද. ඔබගේ මාසික දුරකථන බිල් පතත් මෙහෙමද.
මොබිටෙල් ජාලය මේ ටිකේ හොඳටම අවුල් ය. ලැබෙන ඇමතුම් ආස්නර් කරන්න බැරිය. ඇමතුමක් ලබා ගන්න ගිය විට කනෙක්ශන් එරර් කියා එකක් එයි. අපේ දුරකථන සදාචාරය නිසා, ලැබෙන ඇමතුමට කථා කර ගැනීමට බැරි වූ පසුව එයට නැවතත් ඇමතුමක් දීමට වීම අමතර වියදමකි. කිහිප විටක් කොම්ප්ලේන් කලත් ඒ ගැන සොයා බැලීමක් ද නොමැති වා වගේය. එක දවසක් මගෙන් දුරකථන බිල් පත පිළිබඳව විමසීමට කථා කල හලෝ ගර්ල් කෙනෙක් අම්බානට මගෙන් බැනුම් ද අසා ගත්තේ පන්ඩිත කථා කිහිපයක් කියා මා මල පන්නවා ගත් නිසාය. එවුන් කියන්නේ ‘‘අපි ක්රෙඩිට් ඩිවිශන් එකෙන්, කොම්පලේන් ගැන අපි නම් දන්නේ නැත’’ කියාය. මගේ හොඳ නැති කටින් ‘‘ඇයි ඔහේ මොබිටෙල් එකේ නොවේද’’ කියාත් ‘‘ඔහේ මොබිටෙල් නොවේ නම් මට දුරකථන සේවාව සපයන ආයතනයටම මම බිල ගෙවා ගන්නම්’’ කියාත්, ‘‘මම මේ කියන ටික ඔහේලාගේ ලොක්කන්ටත් අහන්න දෙන්න’’ කියාත් පිටවී, කීමට අවශ්ය සියල්ල මගේ කටින් පිට වූයේ නිරායාසයෙන්මය. ව්යාපාරික කටයුතු නිසා නොම්මරය මාරු කිරීමට ද නොහැකිය. අනිත් දුරකථන සේවාවන් කෙසේද කියා දන්නේත් නැත. බැරිම තැන අද මගේ පැකේජය මාරු කර ගතිමි. අඩුම ගානේ මේ බදු බිලෙන් රු. 500 ක් වත් අඩු වේ යැයි හිත හදා ගෙනය. ජය වේවා. (මටද? දුරකථන සමාගමටද? පාරිහෝගිකයන්ටද?)
Posted in Uncategorized | 6 Comments »
ශ්රී ලාංකික අනන්යතාවය පිළිඹිබු කෙරෙන ශ්රී ලංකාවට ආවේණික හා සුවිශේෂී වූ සංකේත ජාතික සංකේත ලෙස හැඳින්වේ. ඒ අනුව වර්තමානය වන විට හ්රි ලංකාවට හඳුන්වා දී ඇති ජාතික සංකේත 11 ක් පහත දැක්වේ.
1. වර්තමාන ජාතික කොඩිය
මෙය සිංහ කොඩිය ලෙසද, 1972 සිට 1978 දක්වා ජනරජ කොඩිය ලෙසද හැඳින්විණි
2. රාජ්ය ලාංඡනය
3. ජාතික ගීය – ශ්රී ලංකා මාතා
4. ජාතික ක්රීඩාව – අත් පන්දු (වොලි බෝල්)
5. ජාතික වෘක්ෂය – නා ගස
6. ජාතික පක්ෂියා – වලි කුකුළා
7. ජාතික සත්වයා – දඬු ලේනා
8. ජාතික මාණික්යය – නිල් මැණික
9. ජාතික පුෂ්පය – නිල් මානෙල් මල
10. ජාතික ඇඳුම
මෙය සිංහල ජනතාවගේ ජාතික ඇඳුම ලෙස පිළි ගැනේ. පිරිමින් සඳහා – කොළරය රහිත සුදු අත් දිග කමිසය සහ සුදු වේට්ටිය හෝ සුදු සරම කාන්තාවන් සඳහා ඔසරිය සහ හැට්ටය. ගැහැණු දරුවන් සඳහා ළමා සාරිය හා මන්තය යෙදු හැට්ටය
11. ජාතික සමණළයා – ශ්රී ලංකා බර්ඞ් වින්ග් (ට්රොයිඩස් ඩාර්සියර්ස්)
මහා කුරුළු පියා සහ මහ සියොත් පියා යනුවෙන් සිංහලෙන් හඳුන්වනු ලබන මෙම සමණළ වර්ගය 2010 මාර්තු මාසයේ දී නවතම ජාතික සංකේතය ලෙස හඳුන්වා දෙන ලදී.
Posted in Uncategorized | Leave a Comment »
Posted in Uncategorized | Leave a Comment »
1. ඔබ පාරෙ යනවිට, තනි පොලිස් නිලධාරියෙක්ට ඔබව නැවැත්වීමට තහනම්..එසේ නැවැත්වීමට උත්සාහ ගතහොත්, නොනවත්වා යාමට ඔබට පුලුවන්..
2. තනි පොලිස් නිලධාරියෙකුට ඔබේ රියදුරු බලපත්රය රඳවා ගැනීමට තහනම්..
3. ඔබ වාහනයක යන විටකදී, ඔබේ ජාතික හැඳුනුම් පත හැර වෙනත් ලියකියවිලි ඉල්ලා සිටීමට අයිතිය ඇත්තේ “රථ වාහන පාලක පොලිස් නිලධාරියෙකුට (Traffic Police)” පමණයි..
4. තනි traffic පොලිස් නිලධාරියෙකුට ඔබට දඩ ගැසීමට හෝ චෝදනා කිරීමට නොහැකියි. ඔහුට අනිවාර්යෙන්ම සාක්ෂිකරුවෙකු අවශ්යයි..ඒ පොලිස් නිලධාරියෙකුම විය යුතුයි..
(ඒ නිසා තමයි,හැම වෙලේම පාරේ traffic පොලිස් නිලධාරීන් දෙන්නෙක් එකට ඉන්නේ)
5. පොලිසිය යනු සාමය ආරක්ෂා කිරීමට කැපවුන බලකායකි. ආයුධ සම්පන්න බලකායක් නොවේ.ඔවුන්ට බැටන් පොල්ලක් හැර වෙනත් ආයුදයක් ලඟ තබාගැනීමට නීතියෙන් තහනම් කොට ඇත.. (නමුත්, පැවතුන යුධමය තත්වය නිසා, යුද්ධය අවසන් වනතුරු ඔවුන්ට තුවක්කු ලබාදීමට අධිකරණයෙන් නියෝග කර තිබිණි.)
එමනිසා, පොලිස් නිලධාරියෙක් ඔබට තුවක්කුවක් දිගු කලහොත් ඔහුට විරුද්ධව පැමිණිලි කිරීමට ඔබට අයිතියක් ඇත.
6. පොලිස් නිලධාරියෙකු ඔබට “බීමතින්” රිය පැදවූ බවට චෝදනා කලහොත්, බැලූන් පරීක්ෂාව(Balloon Test) කිරීමට ඉල්ලා සිටිය හැක. ඒ අවස්ථාවේදී ඔවුන් සතුව එය නොමැති නම්, ඔබට යාමට අවසර ඇත..
7. මහ මග ගමන් ගන්නා වාහනයක් නැවැත්වීමට අවසර ඇත්තේ traffic පොලිස් නිලධාරියෙකුට පමණයි.. (ඒ නිසා තමයි හමුදා check point වල එක පොලිස් නිලධාරියෙක් හෝ ඉන්නේ.. )
8. පොලිස් නිලධාරියෙකුට ලිඛිත උසාවි නියෝගයක් නැතිව ඔබේ නිවසට හෝ රැකියා ස්ථානයට ඇතුළු විය නොහැක. ලිඛිත නියෝගය ඉල්ලා සිටීමට ඔබට සියලු අයිතිය ඇත. ඔවුන් ඇතුලු වීමට අවසර ඉල්ලා සිටියහොත් ප්රතික්ෂේප කිරීමට ඔබගේ කැමැත්ත අනුව ඔබට හැක..
9. ඔබ සිදුකල වැරැද්දේ ස්වභාවයත්, දණ්ඩ නීති සංග්රහයට අදාල නීති උල්ලංගනය කිරීමත් පිලිබඳව කියන තුරු traffic පොලිස් නිලධාරියෙකුට ඔබේ රියදුරු බලපත්රය ලබාගත නොහැකිය..
එසේ සඳහන් කිරීමට අපොහොසත් වන්නේ නම් ඔබට යාමට අවසර ඇත..
10. Traffic පොලිස් නිලධාරියෙකු ඔබේ බලපත්රය බලෙන් ලබාගෙන, එය නැවත ලබා ගැනීමට පොලිස් ස්ථානයට එන ලෙස පැවසූ විටක, යන්න එපා…..
කෙලින්ම පොලිස් අධිකාරියට හෝ ප්රාදේශීය පොලිස්පතිට පැමිණිලි කරන්න..
ඔබට,අදාල නිලධාරියාව, ඔහුගේ දුරාචාරය හා නොහික්මුණු හැසිරීම නිසා සේවයෙන් පහ කරවීමට පුලුවන්..
11. (කාන්තාවන් සඳහා), පොලිස් නිලධාරියෙකු ඔබේ නම,ලිපිනය,හැඳුනුම් පත,දුරකථන අංකය ඉල්ලා සිටී නම් ඔබට ඒ ඉල්ලීම ඉටු නොකිරීමට අයිතිය ඇත(ඔහු ඔබට හිරිහැර කිරීමේ අරමුණින් සිටින බව ඔබට හැඟේ නම් පමණක්).
ඔහුට ඔබව අත් අඩංගුවට ගැනීමට නොහැක. ඔබට පොලිස් නිලධාරිනියකගේ සහය ඉල්ලා සිටීමට අයිතිය ඇත..
12. (කාන්තාවන් සඳහා), පොලිස් නිලධාරියෙකු ඔබව පරීක්ෂා කිරීමට අවශ්ය බව පැවසූ විටක, එය පොලිස් නිලධාරිණියක ලවා කරවා ගැනීමට ඔබට අයිතිය ඇත. පොලිස් කාන්තාවක් නොමැති නම්, ඔබට ඔවුන්ගේ ක්රියාව ප්රතික්ශේප කිරීමට අයිතිය ඇත.
Posted in Uncategorized | 2 Comments »
Posted in Uncategorized | 1 Comment »
